अम्बेडकर नगर के पांडेय पैकोला के प्रधान जी – ये कैसी बात है?

जिला अम्बेडकरनगर, ब्लाक भीटी, पांडे पैकौली हियां के मनइन कै शिकायत बाय कि मनरेगा के तहत काम तौ आय लकिन काम नाय मिलत बाय।खास कइके मनइन का काम दिया ही नाय गए।



अनारकली कै कहब बाय कि जबसे नया प्रधान आये तबसे काम नाय मिला। पिछले प्रधानी मा कुछ दिन काम करे रहेन। कमलेश कै कहब बाय कि चार पाच साल होइगा हमैं काम नाय मिला। काम मांगत रहेन तौ दियत नाय रहे।झौली लइके वापस आय जात रहेन।विद्या कै कहब बाय कि पुरानी प्रधानी मा काम चलत रहा लकिन मिला नाय।



राजमणि प्रधान प्रतिनिधि कै कहब बाय कि नरेगा से सम्बंधित काम पिछले वित्तीय वर्ष मा कराये गए काम कै फ़ाइल ब्लाक पै जाय चुकी बाय। वकै कुछ कै भुगतान अबहीं तक बाकी बाय। कुछ होय चुका बाय। नई कार्ययोजना चढ़ाय के ब्लाक पै भेजा जाय चुका बाय। नाला खुदाई कै काम चलत रहा लकिन ऊ विवादित रहा जेसे एस डीएम से सुलह करवाय के नाला के खुदाई कै काम चलत बाय। वका भी कार्य योजना के तहत लिया गा बाय।

पिछले सत्र मा चालिस-पचास मेहरारू काम करे रहिन। एहि सत्र मा काम नाय भा बाय। जवन मेहरारू काम नाय करै चहतिन। सिर्फ अफवाह उड़ावे चाहाथिन। उनका कुछ न करै का परै। उनके खाता मा पैसा भेज दिया जाय।ई ससंभव नाय बाय। 20 का खुली बैठक बाय वही मा नया प्रस्ताव तय कीन जाये।



रिपोर्टर- संगीता अउर प्रियंका